Cikël poezish shkëputur nga libri “Kaq mall”

KAPRICIOZE 

Korba të zinj
Në eter mprehin thinjtë

Oxhak i shtëpisë tymos
me blozë
të zinjtë e zogjve kombçar

Majë lisave poshtërisht lëshohen
Me thonj e me sqepa
drejt shkëmbit të Prometheut

Shpendët sa grima
si të ishin kafshë nate
I kashaisa
I zhvesha mitesh me blozë

E ngura dot s'u hiqej
erë shurre kundërmojnë

Fundi  i përrallës

Motit të trazuar si askund

Përmes klithmash të pafund

Të përzunë

Dallgët e kreshpëruara

Të bardha si retë

Të prunë

Me vaj në buzë

Buzë gremine

Biçim njerëz

me përralla mbretërish

Erdhën

Me bisht ndër shalë

E shkuan

              Janar, 2011

        ME BISHT NË BISHT

         Furtuna përplasje

         Zi e më zi

         Shqiponja me një krah fluturon

         Itakës së ndarë me Gardh të dyfishtë

         Prapa Gardhit djajtë me drapër e çekiç

                            Shkurt 1997

KULLA

Në  kohë furtunash

Kulla gostiti horra,  u  vuri plisa të bardhë

Miladinit, Mugoshës ... 

Me ta në krye

thyen rrugë

u thyen

kullën me çati  të  kuqe  mbuluan

zogjve ua ndrydhën këngën

për të kënduar thanë; ne këndojmë

                                  Auckland, korrik 2011

QULLASHËT

                             Qullashët qullashë

                             në ditët e agut

                             çdo gjëje i dalin “zot”

                             shtetit, politikës

                             Sofrës së begat

                             hanë me dy lugë

                             se një u duket pak.

                                            Janar, 2012

KËNGË

Interesa klanesh 

thurur për dritë të hënës,

yllit pesë cep, yjve blu e dreq.

Matanë e këtej  Drinit

avaz i njëjtë. 

Korrik, 2013

EMRAT PA EMËR

Kalërojnë  ligjet

Emrat pa emër zvarranikë

kalërojnë ndrydhin liritë

shkelin premtimet                  

zvarrë zvarrisin  fjalën

me kode që ata dinë

hanë s’hanë fjalë

synojnë  maje        

të etur kroje shterojnë

grigja  me gishta n’gojë

hajt bir

                          Shkurt, 2012

KRIMBAT

Krimben krimbat

me të mirat e gjithë punës në vite

me të mirat e mbi tokës e të  nëntokës

në të gjitha kohet

krahësh të djathtë  e  të majtë

ndryshojnë vetëm në ngjyra

brejnë  e krimbin njësoj

krimbin  zvarget

krimbat

            4 prill 2012

HEU SHQIPËRI

Heu jug bre

Rrugë i hape piratërisë

Me flamur Toptani heu

Përbalte Ismailin

Imazhin e Shqipërisë

Heu Vlorë bre

Për Sheshin tënd të nëpërkëmbur

Heu Jug heu Veri

Shkopin mugëtirën

I dhatë Shqipërisë

                           Mars 1997                 

Top of Form

Bottom of Form

BRENGË

Librin që po shkruaja s’mund ta vazhdoj.

Mbetet për të vazhduar dielli kur rrezon.

Beharin në dimër ktheve, ngriu vargu im!

Do të rrit aguliçet qoftë edhe pa ty.

Shkrin fjala ime, rrugët kallkan.

I heq brengat motit, dheun shkriftoj.                           

                        dt. 9 maj 2014

SIKUR TË ISHIM TAMAM

Gegë sa veriori

toskë sa jugori

kosovar sa Gërvalla

Dini

Podrimja

shqiptar sa Qemajli

Prishtina

Gurakuqi

Buletini

Hoti

poet sa Fishta

Naimi

trim sa Ademi

Avniu

Iliridë sa Arbëri

Çamëri sa  Bilali

erudit sa Noli

Konica

evropian sa aktor Moisiu

Karl Gega

paqësor mes veti sa Nëna

dashuri e mall për tokën sa mërgimtari

Shqipëria jo cunge

po tamam Shqipëri do të ishte

Maj, 2014

BIE NË SY
Stuhitë s’pushojnë, 
arës arbrit!
Rrugë nuk i zëmë kujt.
Vetës ngulim thonjtë, 
sy ndër sy pa u skuq!
           Maj,  2014

TRASHUR

Njeriu gojë bark

barkaç

thanë lugë

trashur ndjenjash

atdheun
fjalën
premtimin
si të ishin byrekë e pilaf

i tretë n’stomak

    dt. 25.05.2014

Sabit Abdyli